Reive Qalaherriaqas Eleanor Isabella Gellii, miessemánu 11. beaivvi 1853. Qalaherriaq [Erasmus Augustine Kallihirua] 1853. Liántta báhpára alde. 18.1 x 11 cm. Derbyshire Record Office. D8760/F/OBJ/5. Ođđasit buvttadan árvasat Derbyshire Record Office

Qalaherriaqa golbma sárguma ja okta reive Mrs. Eleanor Isabella Gellii lea vurkejuvvon Derbyshire Record Offices, ‘Gell Family of Hopton Hall, Wirksworth, 1714-1994‘ vuorkkás. Máŋgemat dáid sárgumiin – Sail. Ship., Anchor. Ship. ja Bear Walking in Water in Summer – Leat maid mielde čájáhusas. Qalaherriaq čálii reivve Eleanor Gellái (1824−1960) dan botta go lei orron njeallje jagi St. Augustine’s skuvllas álggogeahčen 1850-logus. Su reivves boahtá ovdan ahte sárgumat ledje skeaŋkat sutnje.

Náitalan báhpain John Philip Gell (1816-98), Eleanor lei okta Qalaherriaq golmma vihtaniin su gásttašeamis skábmamánus 1853. Čállojuvvon čorgadis giehtačállosiin ja earenoamáš buori eaŋgalsgiel ja olmmošlašvuohta reivves ja persovnnalaš skeaŋkat mat ledje golbma sárguma evttoha ahte Qalaherriaqa ja Mrs Gelle ledje skihpárat, mii álgi veaháš ovdal go son gásttašuvvui. Go Mrs Gell lei matkošdallan ja orrun ollu báikkiin Brihttalaš empiriijas, Eleanor Gella máilmme sojuin ferte leat daguhan ahte son beroštii Qalaherriaqas. Váldosivva ja vejolašvuohta oažžut sosiálalaš oktavuođa suinna lei go son lei dan jávkan John Franklina nieida. Su áhči bokte, gean jávkama 

dihtii lei álggaheaddjin Qalaherriaqa doalvuma Englándii ja maŋŋelaš bidjui St. Augustine skuvlii, šattai Eleanor Gell eanet čadnon Qalaherriaq eallimii. Son searvvai Qalaherriaqa risttalaš konfirmašuvdnii ja lei su risteadni, ja Gell vel eanet ovddidii dan empiriija.

Áŋgiris ja gierdavaš studeanta St. Augustine skuvllas, oassálasttii Qalaherriaq iežas oskkolaš konfirmašuvdnii. Muhto go lei su ođđa eallimis ja heiveheamin iežaset daid koloniála olbmuid sávaldagaid su birrasis, de čájehit su teavsttat ja govat ahte son ii goassege massán su dovddu gos su báiki lei dahje su gullevašvuođa. Nugo su sárggastusat duođaštit, de Qalaherriaqa bearaš, fuolkkit, ustibat ja bivdoguoimmit - ja dat beatnagat ja eará eallit maidda su olbmot dorjo buori eallima oarjjábealde Kalaallit Nunaatas - ledje su mielde su jápmima rádjái.

Esseija čállit Ingeborg Høvik ja Axl Ingemann-Jeremiassen